Transferimi i Granit Xhakës tek Milani është bllokuar.

Sipas të famshmes zvicerane, Blick, transferimi i mundshëm i kapitenit të Zvicrës dhe yllit të Bayer Leverkusen, Granit Xhaka, drejt gjigantit italian AC Milan është për momentin jashtë çdo llogaritjeje.

Burime të sigurta bëjnë të ditur se përpjekjet e Milanit për të siguruar shërbimet e mesfushorit 32-vjeçar janë shuar.

Një takim i rëndësishëm mes përfaqësuesve të klubit italian dhe menaxhmentit të lojtarit ka përfunduar pa ndonjë rezultat konkret.

Pavarësisht interesimit serioz dhe tentativës për të marrë përsipër kontratën e tij të majme, e cila është e vlefshme deri në vitin 2028 me Leverkusenin, negociatat kanë ngecur.

Siç duket, Bayer Leverkusen nuk është i gatshëm të heqë dorë nga një prej lojtarëve kyç të skuadrës.

Për momentin, Granit Xhaka mbetet pjesë e kampionëve të Bundesligës dhe një lëvizje drejt Serie A është larg realitetit./Arbresh.info